Bàs Albannaich ann an St Lucia ga sgrùdadh

  • Air fhoillseachadh
Donnie MacFhionghainTùs an deilbh, Facebook
Fo-thiotal an deilbh,
Chaochail Donnie MacFhionghuin ann an tachartas gunna ann an St Lucia Disathairne.

Tha na poilis a' sgrùdadh bàs Albannaich ann an tachartas gunna ann an St Lucia anns a' Charaibeach.

Tha dùil gur ann à Loch Abar a tha Donnie MacFhionghain a chaidh a mharbhadh ann an taigh-seinnse ann am baile-mòr Soufriere.

Chaidh fireannach eile à Breatainn a ghoirteachadh san tachartas Disathairne.

Thuirt Oifis nan Dùthchannan Cèin ann am brath gun robh iad a' cumail taic ri teaghlach aig fireannach Breatannach a dh'eug agus aig fireannach Breatannach a chaidh a leòn ann an St Lucia.

Thathas a' tuigsinn gun do ghluais Mgr MacFhionghain à St Lucia bho chionn beagan bhliadhnaichean, agus gun robh e na mhanaidsear aig an taigh-òsta Marcliffe ann an Obar Dheathain eadar 2007 agus 2009.

Sgaoil an taigh-òsta brath, 's iad ag ràdh cho duilich is a bha iad uile a bhith a' cluinntinn mu bhàs Mhgr MhicFhionghain.